Aprelin 16-da, Müasir İncəsənət Qalereyasında “Körpükamp” qeyri-konfransının təqdimatı keçirildi. Təqdimat keçmiş “Barcamp” konfransına həsr olunmuş kiçik sənədli filmin nümayişi ilə başladı. 40 nəfərdən çox Media, QHT və İnternet nümayəndələri toplaşdığı təqdimatd “Körpükamp”ın layihə rəhbəri İlqar Mirzə konfransın əhəmiyyətindən bəhs edən təqdimatla çıxış etdi. Həmçinin burada konfransın adı çəkilən sahələr arasında körpü yaradacağından və bu sahə nümayəndələrinin müştərək layihələrlə iş birliyindən də bəhs olundu. Tədbirdə bir sıra təşkilatların nümayəndələri öz təkliflərini irəli sürdülər, konfrans mövzularında müzakirələr aparıldı.
Sonda isə iştirakçılara mart ayının 27-29-u Bakıda keçirilmiş “Barcamp Caspian”a həsr olunmuş film də təqdim olundu.
Qeyd etmək istərdik ki, ADU-nun nəzdində olan İnformasiya Resurs Kompleksində, may ayının 2-3-də keçiriləcək “Körpükamp” qeyri-konfransında iştirak pulsuzdur və hər kəs üçün açıqdır.
